Macedonian Folk Songs Македонски народни песни

Нешто ќе те питам, бабо

- Нешто ќе те питам, бабо,
право да ми кажеш,
право да ми кажеш, бабо,
без да ме излажеш.

Кои војводи беа, бабо,
у вас на вечера?
Дали Гоце Делчев, бабо,
или Даме Груев?

- Ка ме питаш, а бре аго,
право ќе ти кажам,
право ќе ти кажам, аго,
без да те излажам.

Ниту Гоце Делчев, аго,
ниту Даме Груев,
тук' ми беше, а бре аго,
Тодор Александров,
Тодор Александров, аго,
с' неговата чета.

Тука вечераа, аго,
и си заминаа,
и си заминаа, аго,
за Пирин планина.

Знамето им беше, аго,
црно и црвено,
и на знаме пише, аго,
„Смрт или слобода“,
смрт или слобода, аго,
за Македонија.


(Друга верзија)


Црни затвореници од Мариово

- Нешто ќе те питам, бабо,
нешто ќе те питам,
право да ми кажеш, бабо,
немој да ме лажеш!

Кои војводи беа, бабо,
у вас на вечера?
Да ли дедо Кољо, бабо,
да ли Толе паша?

- Ако ли ме питаш, аго,
ако ли ме питаш,
право ќе ти кажам, аго,
нема да те лажам.

Ни војводи беа, аго,
ни комити беа.
Тија ми ти беа, аго,
црни затворници.

Црни затворници, аго,
црни затворници,
триес' и два мина, аго,
црни затворници.

Војвода му беа, аго,
Коло Каранцула.
Напред му тргаше, аго,
Петко од Маково.

Ручек нарачаме, аго,
ајде, нарачаме,
ручек нарачаме, аго,
село Градешница.

Ајде, потегнаме, аго,
ајде, потегнаме,
ајде, затегнаме, аго,
право за Прибилци.

If you happen to have audio recording with a different version of the same song, please send it to me via email and I will gladly add it to this list. Thank you!

Download MP3

Quality: up to 40kbps.

  1. Непознат изведувач - Нешто ќе те питам, бабо
  2. Академци - Нешто ќе те питам, бабо
  3. Миле Кузмановски - Нешто ќе те питам, бабо
  4. Next Time - Нешто ќе те питам, бабо

Performers

See more songs featuring audio samples by:

  1. Непознат изведувач
  2. Академци
  3. Миле Кузмановски
  4. Next Time