Тргнала Тода мома за вода да оди

Тргнала Тода мома за вода да оди,
на таа чешма, Тода, чешма шарена.
Одила Тода мома што одила,
на пат Тода мома потера сретнала.

Тогај се Тода мома назад вратила,
и на братот Тода мома му кажала.
- Ај стани, стани брату, стани Ѓорѓи,
лоша потера, Ѓорѓи, нè сардиса.

- Не бој се, Тодо мори, гајле не бери,
подај ми, Тодо мори, берданка пушка.
И дај ми, Тодо мори, ситни куршуми,
тури ми, Тодо мори, чаша ракија.

Па да видиш, Тодо мори, што чудо ќе правам,
потера ќе бега, Тодо, до бога ќе плаче.


(Друга верзија)

Кинисала мома Тода на вода да оди,
на вода да оди, на шарена чешма.
На пат ја сретна Тода турска потера,
оф леле, леле турска потера.

Час ко се врати Тода, во двор застана,
во двор застана, на Ѓорѓи викна:
- Стани ми, стани Ѓорѓи, да би не станал,
тебе те бара турска потера.

- Седи си, преди Тодо, гајле не бери
дури ми стои глава на рамена.
Уште си зборот Ѓорѓи не ми дорече,
прва пушка пукна, Ѓорѓи ми падна.

If you happen to have audio recording with a different version of the same song, please send it to me via email and I will gladly add it to this list. Thank you!

Download MP3

Quality: up to 40kbps.

  1. Фана Шомова - Тргнала Тода мома за вода да оди

Performers

See more songs featuring audio samples by:

  1. Фана Шомова