Macedonian Folk Songs Македонски народни песни

Се посврши азган Мара

Се посврши азган Мара,
азган Мара, мераклика,
во сабота се омажи,
во недела се развела.

Ја качиле на магаре,
ја седнале наопаку:
- Држ' се Маро за магарето,
држ' се Маро за опашката.

Се собрале селаните
да ја видат азган Мара,
азган Мара, мераклика,
какво чудо направила.

Се породи машко дете,
па не знае од кого е
дал од попот, ил' од падарот,
или некој од друго село.


- Друга верзија -

Се посврши азган Мара,
азган Мара, мераклика,
во сабота се посврши,
во недела се омажи,
в' понеделник се породи.

Се породи машко дете,
машко дете, ?
па не знае од кого е
дал од попот, ил' од падарот,
или некој од друго село.

Стара свекрва се чуди:
- Што е ова, што се роди?
Млада невеста ѝ вели:
- Ти се чудиш заш' се роди,
јас се чудам заш' не оди.

Ко си има сто татковци:
од Битола, кум Никола,
од Оризари, пет лозари,
од Могила, ?
од Кукуша, све додуша.

Се собрале селаните,
ја качиле на магаре,
ја седнале наопаку:
- Држ' се Маро за магарето,
држ' се Маро за опашката.


Зборот „азган“ е турцизам и значи: пркосен, пргав.

If you happen to have audio recording with a different version of the same song, please send it to me via email and I will gladly add it to this list. Thank you!

Download MP3

Quality: up to 40kbps.

  1. Трпе Череповски, Јонче Христовски - Се посврши азган Мара
  2. Непознат изведувач - Се посврши азган Мара

Performers

See more songs featuring audio samples by:

  1. Трпе Череповски
  2. Јонче Христовски
  3. Непознат изведувач